پاکستان میں جب بھی مہینے کی پندرہ تاریخ یا آخری تاریخ آتی ہے تب ہی پٹرولیم مصنوعات کی قیمتوں کے حوالے سے چہ مگوئیاں شروع ہو جاتی ہیں کہ آج پٹرول اور ڈیزل کی قیمت کی قیمتوں میں کمی ہو گی یا پرانی قیمتیں برقرار رہیں گی یا قیمتوں میں اضافہ ہو گا کیونکہ ہر شخص پٹرول اور ڈیزل کی نئی قیمت جاننا چاہ رہا ہوتا ہے۔
پاکستان میں پیٹرولیم مصنوعات کی قیمتیں
پٹرول کی قیمت 252 روپے 10 پیسے فی لیٹر ہے۔
ہائی سپیڈ ڈیزل کی قیمت 255 روپے 38 پیسے فی لیٹر ہے۔
لائٹ ڈیزل کی قیمت 148 روپے 95 پیسے فی لیٹر ہے۔
مٹی کے تیل کی قیمت 161 روپے 66 پیسے فی لیٹر ہے۔
یہ تمام قیمتیں 16 دسمبر 2024 سے پاکستان میں نافذ العمل ہیں۔ واضح رہے کہ حکومت کی جانب سے پٹرولیم مصنوعات کو سستا کرنے یا موجودہ ریٹ کو برقرار رکھنے یا مہنگا کرنے کا اعلان ہر پندرہ دنوں کے بعد کیا جاتا ہے۔
آئل اینڈ گیس ریگولیٹری اتھارٹی یعنی اوگرا پاکستان میں پٹرولیم مصنوعات کی قیمتوں کا تعین کرتی ہے۔ اوگرا کے پاس ہر مہینے میں دو بار پٹرول، ڈیزل اور مٹی کے تیل وغیرہ کی قیمتیں تجویز کرنے کا اختیار ہے۔ پٹرولیم مصنوعات کی نئی قیمتوں کا اعلان ہر مہینے کی 15 تاریخ اور ہر مہینے آخری تاریخ کو وفاقی حکومت کی جانب سے کیا جاتا ہے اور عام طور پر نئی قیمتوں کا اطلاق اگلے 15 دنوں تک ہوتا ہے۔ مزید یہ کہ پاکستان کے مختلف علاقوں میں پیٹرول کی قیمتیں ٹرانسپورٹ اخراجات کی وجہ سے تھوڑی مختلف ہوتی ہیں۔
پاکستان میں پٹرولیم مصنوعات کی قیمتوں کا براہ راست تعلق عالمی منڈی میں تیل کی قیمتوں سے ہے۔ اگر عالمی مارکیٹ میں پیٹرولیم مصنوعات کی قیمتیں بڑھیں گی تو پاکستان میں بھی قیمتوں میں اضافہ ہو گا اور اگر وہاں پر قیمتیں کم ہوں گی تو پاکستان میں بھی کم ہوں گی۔ تاہم بہت سے دوسرے عوامل جیسا کہ ملک میں پٹرولیم مصنوعات پر ٹیکس یعنی پیٹرولیم ڈویلپمنٹ لیوی، روپے اور ڈالر کے ریٹ میں فرق بھی پیٹرول کی قیمتوں میں بار بار اتار چڑھاؤ کا سبب بنتا ہے۔
